|
| ©
今日係2009年11月3日,因為公司冇人...所以得閒寫日記..2008年既今日,岩岩冇野做..o係屋企發呆,..
10月剛過,由西環搬番深水步,由跑馬地轉職壽臣山,轉變好大,感覺就好似隔左好耐,但原來先一個月..但時間又過得好快..好矛盾..
諗番起今年,好反覆既一年,轉左幾次工,好彩天冇絕人之路..希望可以從新出發..(最好就當然係中今晚六合彩-v-) | | |
| ©
今年好似悶悶不樂,係唔係關犯太歲事呢..
o個件事仲未搞掂,每一日都係為哩樣野而煩惱..
好耐都未打過日記啦..有點兒想放棄,都唔知打黎為乜,有邊個會睇=_=
寫左咁多年日記,真係冇幾多次真係拎番出黎睇,就算睇左,都唔知睇黎做乜,因為過去就已經過去,唔係唔念舊,而係睇番之前都係唔開心既野有咩用,已成定局,如果有得番轉頭就好..
我想返番去2003年,冇野做終日遊盪,18歲..卜卜脆..
同阿欣一齊行街,一齊唱k,一齊講人是非,一齊拍拖,一齊唔開心,一齊.....etc
人越大根本越唔開心..
可以做d咩黎令自己既人生生活得開心d,多彩d?..? | | |
| © 好累呀...公司太多人走..搞到我做野都做唔切..想玩死我咩... 唉...做到好無癮...個女人真係好煩呀-口-我唔想做佢秘書... 好耐都未試過咁唔想番工,以前都可能會有,但習慣左就冇野~ 但依家又重回番以前既感覺.. 突然覺得...做中原真好...做政府工真好... 唉....
之前去過元綠食壽司,發現佢有一個$3一件帶子壽司既優惠...正,一個人可以叫6件,而且水準同平時一樣,唔會細件左難食左~ok好味架^^ 
| | |
| © 最近好似悶悶不樂..身邊有o的朋友都似乎唔係過得太開心 ..係因為轉天氣影響人既情緒嗎..? 最憎哩o的時候,天氣唔凍唔熱,整到個人好周身唔自在,而且皮膚變差,心情麻麻.. 幾時先到開心既夏天.. | | |
| © 依家我又唱緊k..又好無聊咁打緊日記.. 尋日有個好衰既人,夜工以為我走左冇聽佢電話,就咁自己走左唔等我,好嬲..仲要一打俾佢就惡人先告狀鬧我>< 哼...搞到我o係地鐵企o係到好似傻仔咁喊...正衰人>< 嬲死佢>"< | | |
|
